ရှမ်းမြောက်က ကျားဖြန့် ဇာတ်သိမ်းခန်း

 

ဇန်နဝါရီ ၃၀ ရက်တွင် မြန်မာနိုင်ငံ နိုင်ငံတော် စီမံအုပ်ချုပ်ရေးကောင်စီက တရုတ် အစိုးရထံ မြန်မာနိုင်ငံမြောက်ပိုင်း ကျားဖျန့် လုပ်ငန်းများတွင် အဓိက ကြိုးကိုင်သူများဟု သတ်မှတ်ထားသည့် ပယ်စောက်ချိန်အပါအဝင် ခြောက်ဦးနှင့် အခြားအရေးကြီးသံသယရှိ သူ လေးဦးကို လွှဲပြောင်းပေးခဲ့သည်။

မြန်မာနိုင်ငံရဲတပ်ဖွဲ့သည် ဇန်နဝါရီ ၃၀ ရက်တွင် တရုတ်နိုင်ငံ ပြည်သူ့လုံခြုံရေးအဖွဲ့ အစည်းထံသို့မြန်မာနိုင်ငံမြောက်ပိုင်း ကိုးကန့် ဒေသ အွန်လိုင်းလိမ်လည်မှုအဖွဲ့၏ အဓိက ခေါင်းဆောင် ခြောက်ဦးဖြစ်သည့် ပယ် စောက်ချိန်၊ ပယ်ရင်ချန်၊ဝေ့ဟွိုင်ရန်၊ လျိုကျန့် ရှန်၊ လျိုကျန့်မောက်၊ ရွှီလောက်ဖာနှင့် အခြား အရေးကြီး ပြစ်မှုကျူးလွန်ကြောင်းသံသယရှိ သူ လေးဦးအား တရားဥပဒေနှင့်အညီ လွှဲ ပြောင်းပေးအပ်ခဲ့ပြီး အဆိုပါ ၁၀ ဦးကို ယင်း နေ့ညတွင်ပင် တရုတ်နိုင်ငံသို့ ပို့ဆောင်ခဲ့ သည်ဟု မြန်မာနိုင်ငံဆိုင်ရာ တရုတ်သံရုံးက သတင်းထုတ်ပြန်ခဲ့သည်။

ယင်းသို့ မြန်မာနိုင်ငံမြောက်ပိုင်းရှိ ကျား ဖျန့်လုပ်ငန်းများတွင် အဓိကတာဝန်ရှိသူဟု တရုတ်အစိုးရက သတ်မှတ်ထားသည့် ပယ် စောက်ချိန် အပါအဝင် ခြောက်ဦးအား လွှဲ ပြောင်းပေးအပ်ခြင်းမှာ တရုတ်-မြန်မာ နှစ် နိုင်ငံ၏ နိုင်ငံတကာရဲရေးရာ တရားဥပဒေစိုး မိုးမှု ပူးပေါင်းဆောင်ရွက်ရာ၌ အထင်ကရ အောင်မြင်မှုရလဒ်ပင်ဖြစ်သည်ဟု တရုတ် သံရုံးက သုံးသပ်ခဲ့သည်။

■ တရုတ်အစိုးရအတွက် မျက်နှာပျက်စရာ ဖြစ်နေတဲ့ ကျားဖျန့်

မြန်မာ့အိမ်နီးချင်းနိုင်ငံဖြစ်သည့် တရုတ် နိုင်ငံကို နှစ်ပေါင်းများစွာကြာအောင် အဓိက ဒုက္ခပေးနေသည့် ကိစ္စမှာ ကျားဖျန့်ကိစ္စဖြစ် သည်။

တရုတ်ဘာသာစကားအရ ကျားဖျန့် ဆိုသည်မှာ ‘ကျား’ ဆိုသည်မှာ အကွက်ချစီစဉ် ပြီး ‘ဖျန့်’ ဆိုသည်မှာ လိမ်လည်ခြင်းဟု အဓိ ပ္ပာယ်ရသည့် ယင်းလုပ်ငန်းများကို တရုတ် နိုင်ငံမှ အင်တိုက်အားတိုက် တိုက်ဖျက်ရေး လုပ်ငန်းများလုပ်ကိုင်လာသည်မှာ ၂၀၂၃ ခုနှစ် အစပိုင်းကတည်းက ဖြစ်သည်။

တရုတ်- မြန်မာနယ်စပ်များတွင် အခြေ စိုက်ပြီး လှုပ်ရှားနေသည့် အဆိုပါအွန်လိုင်း ငွေလိမ်ဂိုဏ်းများတွင် တရုတ်နိုင်ငံသားများ ခိုင်းစေခံရခြင်း၊ တရုတ်နိုင်ငံသားများပါဝင် ပတ်သက်နေခြင်းကြောင့် တရုတ်အစိုးရဘက် မှ ယင်းဖြစ်စဉ်များကို အထူးအာရုံစိုက်ကာ လုပ်ဆောင်လာခြင်းလည်းဖြစ်သည်။

၂၀၂၃ ခုနှစ် နှစ်ကုန်ပိုင်းတွင် တရုတ်နိုင် ငံမှ အစိုးရကိုယ်စားလှယ်များ လာရောက်ခဲ့ သည့် ခရီးစဉ်များနှင့် မြန်မာနိုင်ငံဆိုင်ရာ တရုတ်သံအမတ်ကြီးက မြန်မာအစိုးရအဖွဲ့မှ တာဝန်ရှိသူများကို တွေ့ဆုံရာတွင် အွန်လိုင်း ငွေလိမ်ဂိုဏ်းများနှင့် ဆက်သွယ်ရေးလိမ် လည်မှုကိစ္စများမှာ မပါမဖြစ်ဆွေးနွေးခဲ့သည့် ဖြစ်စဉ်များလည်းဖြစ်သည်။

မြန်မာနိုင်ငံသို့ မေ ၂ ရက်က လာရောက် ခဲ့သည့် တရုတ်နိုင်ငံ၏ အဆင့်မြင့်အရာရှိ တစ်ဦးဖြစ်သည့် တရုတ်နိုင်ငံခြားရေးဝန်ကြီး ဟောင်း ချင်ဂန်း၏ ခရီးစဉ်မှာပင် ကျားဖျန့် (ခ) အွန်လိုင်း ငွေလိမ်ဂိုဏ်းများကိစ္စမှာလည်း 

ထည့်သွင်းဆွေးနွေးခဲ့ရသည့်အကြောင်းအရာ တစ်ခုလည်းဖြစ်သည်။

ကျားဖျန့်ဆိုတာဘာလဲ

တရုတ်အခေါ်အရ ကျားဖျန့်ဟု နယ်စပ် ဒေသများတွင် နေထိုင်သူများသိရှိထားသည့် ကိစ္စမှာ အွန်လိုင်းမှတစ်ဆင့် ငွေကြေးလိမ် လည်ခြင်းဖြစ်သည်။

ဆက်သွယ်ရေးနှင့် အွန်လိုင်းလိမ်လည် မှုများပြုလုပ်သူများသည် တရုတ်နိုင်ငံသား ဖြစ်ပြီး မြန်မာနိုင်ငံအတွင်း တရားမဝင် လာ ရောက်ကာ လုပ်ကိုင်နေသူများဖြစ်ကာ ၎င်းင်း တရုတ်နိုင်ငံသားများသည် အမေရိကန်၊ အင်္ဂ လန်၊ နော်ဝေး၊ ဒိန်းမတ်၊ သြစတြေးလျ၊ ဗီယက် နမ်၊ ဂျပန်၊ တရုတ်၊ ရုရှားနှင့် တောင်ကိုရီးယား နိုင်ငံသားများအား ၎င်းင်းတို့၏ ပစ်မှတ်အဖြစ် ရွေးချယ်ကြကြောင်း  ‘၀’ ဒေသ ပန်ဆန်းမြို့ တွင်  ဆက်သွယ်ရေးနှင့် အွန်လိုင်းလိမ်လည်မှု တွင် အလုပ်ရခဲ့သူတစ်ဦး၏ ပြောကြားချက် အရသိရသည်။

‘‘သူတို့က နိုင်ငံတကာက အသက် ၁၈ နှစ်ကနေ ၃၅ နှစ်ကြားတွေကို ပစ်မှတ်ထားတဲ့ အပြင် အသက် ၆၀ အရွယ်တွေကို ရင်းနှီးမြှုပ် နှံမှုအခွင့်အလမ်းတွေနဲ့ အစပိုင်းမက်လုံးပေး တယ်။ ငွေကြေးအမြတ် အနည်းငယ်လွှဲပေးပြီး အချီကြီးဝင်လာမှ အားလုံးသိမ်းကြုံးယူကြ တာ’’ဟု အွန်လိုင်းလိမ်လည်မှုလုပ်ငန်းတွင် အလုပ်ရပြီး ပြန်လျော်ငွေဖြင့်ထွက်လာသူ တစ်ဦးက ဆိုသည်။

ယင်းလုပ်ငန်းများတွင်လုပ်ကိုင်သူများ မှာ အွန်လိုင်းမှ အလုပ်ခေါ်စာများကို တွေ့ရှိ ဆက်သွယ်ကာ သွားရောက်လုပ်ကိုင်ခြင်းဖြစ် ကြောင်း၊ လုပ်ကိုင်ရသည့်နေရာသို့ ရောက်ရှိ မှသာ အွန်လိုင်းမှတစ်ဆင့် လိမ်လည်ရခြင်း ဖြစ်သည်ကို သိရှိရကြောင်း ၎င်းင်းကဆက်ပြော သည်။

‘‘ကျွန်မတို့ကို ခေါ်တာက ကာစီနိုမှာ လုပ်ရမယ်ဆိုပြီးခေါ်တာ။ ဒါပေမဲ့ တကယ် လုပ်ရတော့ အဲဒါမဟုတ်ဘူး။ ဒါကြောင့် ပြန် လျော်ပြီးထွက်ခဲ့တာ’’ ဟု အွန်လိုင်းလိမ်လည် မှုလုပ်ငန်းတွင် အလုပ်ရပြီး ပြန်လျော်ငွေဖြင့် ထွက်လာသူတစ်ဦးက ဆိုသည်။

ကျားဖျန့်လုပ်ငန်းများတွင် လက်ရှိအချိန် အထိ အဓမ္မခိုင်းစေခံရခြင်းမှာ မြန်မာနိုင်ငံ သားများသာမကဘဲ တရုတ်၊ ထိုင်း၊ ဗီယက်နမ် အစရှိသည့် နိုင်ငံသားများလည်း ပါဝင်နေ သည်ဟု နိုင်ငံတကာသတင်းများတွင် ဖော်ပြ ထားသည်။

ပြီးခဲ့သည့် ရက်သတ္တပတ်ကတည်းက လောက်ကိုင်မြို့တွင် ပိတ်မိနေသည့် ထိုင်းနိုင် ငံသားများကို ပြန်လည်ခေါ်ယူနိုင်ရန် ထိုင်း အာဏာပိုင်များက မြန်မာအစိုးရထံ တောင်း ဆိုခဲ့သည်ဟု ထိုင်းမီဒီယာတစ်ခုဖြစ်သည့် thai PBS က သတင်းဖော်ပြခဲ့သည်။

တရုတ်နိုင်ငံက ဝရမ်းထုတ်ထားခဲ့တဲ့ ကျားဖျန့်လုပ်ငန်းရှင်တွေ

တရုတ်နိုင်ငံဘက်မှ စတင်ဝရမ်းထုတ်ခဲ့ သူနှစ်ဦးမှာ ‘ ၀’ အဖွဲ့မှ ခေါင်းဆောင်ဟောင်း နှစ်ဦးဖြစ်သည်။

ဆက်သွယ်ရေးနှင့် အွန်လိုင်းလိမ်လည်မှု များတွင် တရုတ်နိုင်ငံသားများကို ပစ်မှတ် ထားတိုက်ခိုက်နေသည့် ရာဇဝတ်ဂိုဏ်းတစ် ခု၏ အဓိကခေါင်းဆောင်နှစ်ဦးဟု တရုတ်အ စိုးရဘက်က သတ်မှတ်ကာ ဖမ်းဝရမ်းထုတ် ထားသူနှစ်ဦးမှာ လက်ရှိ ‘၀’ ပြည်နယ်အစိုးရ ဆောက်လုပ်ရေးဌာနမှူး ပေါက်အိုက်ပန်း (ခေါ်) ပေါက်ယန်ပန် (ခေါ်) ချန်ယန်ပန် ပါဝင်ပြီး ၎င်းင်းသည် ယခင်က ၄၆၈ တပ်မဟာ မှူးလည်းဖြစ်ကာ ‘၀’ ခေါင်းဆောင် ပေါက်ယူ ချန်း၏တူတော်စပ်သူဖြစ်ကြောင်းနှင့်  နောက် တစ်ဦးမှာ UWSA ၏ မိုင်းလင်းခရိုင်မှူး ရှောက်ဟော် (ခေါ်) အိုက်ဟော့ (ခေါ်) ဟော် ချွင်ထင်ဖြစ်ပြီး  ‘၀’ ခေါင်းဆောင် ပေါက်ယူ ချန်း၏ သမက်ဟောင်းဖြစ်သည်ဟုလည်း သိရသည်။

ကူမင်းမြို့နှင့် ဟန်ကျိုးမြို့က အများပြည် သူလြုံခုံရေးဌာနများက UWSA အရာရှိနှစ် ဦးကို ကျားဖျန့်ဟုခေါ်သည့် အွန်လိုင်းက ငွေ လိမ်သောလုပ်ငန်းများတွင် ပါဝင်ပတ်သက်မှု ရှိသည်ဟုကာ ဖမ်းဝရမ်းထုတ်ခဲ့ခြင်းဖြစ်ပြီး ၎င်းင်းတို့ကို ဖမ်းမိအောင် သတင်းပေးသူအား တရုတ်ယွမ်တစ်သိန်းမှ ငါးသိန်းအထိပေးမည် ဖြစ်ကြောင်း ကြေညာထားသည်။

ထိုသို့ တရုတ်နိုင်ငံ ပြည်သူ့လုံခြုံရေးဝန် ကြီးဌာနက ကြေညာပြီးနောက် ၎င်းတို့နှစ်ဦး အား ရာထူးမှ ထုတ်ပယ်ကြောင်း UWSA က အောက်တိုဘာ ၁၆ ရက်တွင် ကြေညာခဲ့သည်။ ယင်းထုတ်ပြန်ချက်တွင် ၎င်းင်းတို့နှစ်ဦးအနေ ဖြင့် ‘‘၀’’ ဒေသနှင့် အိမ်နီးချင်းနိုင်ငံများအပြင် နိုင်ငံတကာနှင့်ပါ ဆက်ဆံရေးကို ထိခိုက် အောင် လုပ်ခဲ့ကြောင်း ဖော်ပြထားသည်။

တရုတ်နိုင်ငံမှ ဖမ်းဝရမ်းထုတ်ထားသည့် ၎င်းင်းတို့နှစ်ဦးအား ဟိုပန်ခရိုင်တရားရုံးက လည်း ဖမ်းဝရမ်းထုတ်ထားသည်။ ယင်း နောက် နိုဝင်ဘာလဆန်းပိုင်းတွင် လောက် ကိုင်မြို့ရှိ ‘ မြီ’ မိသားစုဝင်များကို တရုတ်နိုင်ငံ ဘက်မှ ဖမ်းဆီးရန် ဝရမ်းထုတ်ခဲ့သည်။

ယခုနှစ် အောက်တိုဘာ ၁ ရက်က တရုတ်နိုင်ငံတွင် ပြုလုပ်သည့် ကုန်စည်ပြပွဲ သို့ သွားရောက်စဉ် ကိုးကန့်လုပ်ငန်းရှင် ၁၁ ဦး ဖမ်းဆီးခံလိုက်ရသည့်ဖြစ်စဉ်မှ အစပြုကာ နောက်ပိုင်းတွင် လောက်ကိုင်မြို့ရှိ ‘မြီ’ မိသား စုဝင်များအား ဖမ်းဆီးရန် တရုတ်အစိုးရက ဖမ်းဝရမ်းထုတ်ခဲ့ခြင်းဖြစ်သည်။

တရုတ်နိုင်ငံဘက်မှ ဖမ်းဆီးလိုက်သည့် ကိုးကန့်လုပ်ငန်းရှင် ၁၁ ဦးတွင် ကိုးကန့်၏ အချမ်းသာဆုံးမိသားစုများဟုအများက သတ် မှတ်ထားသည့် ‘ မြီ’၊ ‘ ဝေ’ နှင့် ‘လျို’ မိသားစုဝင် များ ပါဝင်ကြောင်း ဘီဘီစီသတင်းတွင် ဖော် ပြထားသည်။

ယင်းတို့အနက် နိုဝင်ဘာ ၁၂ ရက်တွင် တရုတ်နိုင်ငံ ကျီကျန်းပြည်နယ် ဝမ်ကျိုးမြို့၏ ပြည်သူ့လုံခြုံရေးဗျူရိုက မြန်မာနိုင်ငံမြောက် ပိုင်း ကိုးကန့်ဒေသ၏ စီးပွားရေးလုပ်ငန်းရှင် လေးဦးကို ဖမ်းဝရမ်းထုတ်ခဲ့သည်ဟု china daily  သတင်းက ဖော်ပြခဲ့သည်။

အဆိုပါလေးဦးမှာ ကိုးကန့်ဒေသ၏ စီး ပွားရေးလုပ်ငန်းရှင်များဖြစ်သကဲ့သို့ ဝရမ်း ထုတ်ခံရသူများအနက် ‘မြီရှောက်ချန်း’ မှာ ရှမ်းပြည်နယ် လွှတ်တော်အမတ်ဟောင်း ဖြစ်ပြီး ကိုးကန့်ခေါင်းဆောင်မှု ကော်မတီအဖွဲ့ ဝင်ဟောင်းလည်းဖြစ်ကာ နောက်တစ်ဦးမှာ သူ၏သားဖြစ်သူ ကိုးကန့်ဒေသ ပြည်သူ့စစ် ခေါင်းဆောင်’ မြီကော်ဖျင်’ ဖြစ်ကြောင်း၊ ကျန် နှစ်ဦးမှာ တရုတ်နိုင်ငံ ကျန်ကန်းကောင်တီ လင်ကန်မြို့ဇာတိဖြစ်သည့်  မြီကျူလန် (၄၂ နှစ်) နှင့်  လင်ကန်မြို့၏ ကွမ်မာတိုင်နှင့် ‘‘၀’’ ကိုယ်ပိုင်အုပ်ချုပ်ခွင့်ရကောင်တီ ဇာတိဖြစ် သည့် မြီကျန်းကျန်း (၂၇ နှစ်) တို့ဖြစ်သည်ဟု အဆိုပါသတင်းတွင် ဖော်ပြထားသည်။

ဝရမ်းထုတ်ခံရသည့် မြီရှောက်ချန်းမှာ တရုတ်နိုင်ငံသားများကို  ပစ်မှတ်ထားသည့် အွန်လိုင်းမှ တစ်ဆင့်ငွေကြေးလိမ်လည်မှုများ နှင့် ပတ်သက်နေပြီး လက်နက်ကိုင်များ၏ အကာအကွယ်ကို ရရှိထားသူဖြစ်ကြောင်းနှင့် လိမ်ညာမှုများ လုပ်ဆောင်နေသည့် ရာဇဝတ် အဖွဲ့ကို ဦးဆောင်နေသည်ဟု သံသယရှိ ကြောင်း တရုတ်၏ ထုတ်ပြန်ချက်တွင် ဖော်ပြ ခဲ့သည်။

တရားဥပဒေစိုးမိုးရေးအဖွဲ့၏ ပြင်းထန် သည့် နှိမ်နင်းမှုများ ရှိခဲ့သည့်တိုင် ထိုအဖွဲ့ သည် ၎င်းင်းတို့၏ ရာဇဝမှုဆိုင်ရာ လှုပ်ရှားမှု များကို ရပ်နားခြင်းမရှိခဲ့ဘဲ တရားမဝင် လှုပ် ရှားမှုများကို စနစ်တကျနှင့် ကြီးကြီးမားမား ဆက်လက်လုပ်ဆောင်နေသည်ဟု တရုတ် နိုင်ငံအစိုးရဘက်က ဆိုခဲ့သည်။

၎င်းတို့သည် ရည်ရွယ်ချက်ရှိရှိ  လူသတ် မှု၊ ရည်ရွယ်ချက်ရှိရှိ ထိခိုက်ဒဏ်ရာ ဖြစ်စေမှု၊ တရားမဝင် ဖမ်းဆီးထိန်းသိမ်းမှုတို့ အပါအ ဝင် ဆိုးရွားသည့် ပြစ်မှုအများအပြားကို ကျူး လွန်ခဲ့ကြောင်း သံသယရှိခံထားရသည်ဟု ထုတ်ပြန်ချက်တွင် ဖော်ပြခဲ့သည်။

ယင်းသို့ တရုတ်နိုင်ငံဘက်မှ ဖမ်းဝရမ်း ထုတ်ပြီး မကြာမီမှာပင် မြန်မာအစိုးရဘက် ကလည်း အဆိုပါ ‘မြီ’ မိသားစုဝင် လေးဦးကို ဖမ်းဝရမ်းထုတ်ခဲ့သည်။

ယင်းသို့ဖမ်းဝရမ်းထုတ်အပြီး ငါးရက်အ ကြာတွင် အဆိုပါ လေးဦးအနက် တစ်ဦးကို အသေဖမ်းဆီးရမိခဲ့ပြီး နှစ်ဦးကို အရှင်ဖမ်းဆီး ရမိခဲ့ကြောင်း၊ တစ်ဦးမှာ ထွက်ပြေးလွတ် မြောက်သွားခဲ့ကြောင်း နိုင်ငံတော်စီမံအုပ် ချုပ်ရေးကောင်စီက ထုတ်ပြန်ခဲ့သည်။

မြီရှောင်ချန်၊ မြီကော်ဖျင်း (ခ) မြီရှောက် ဖျင်းနှင့် မြီကျိန်းကျိန်းတို့ကို လောက်ကိုင်မြို့၌ နိုဝင်ဘာ ၁၆ ရက် နံနက်တွင် ဖမ်းဆီးရမိခဲ့ ကြောင်း၊         ‘မြီ’ မိသားစုဝင်များအား ဖမ်းဆီး စဉ် မြီရှောက်ချန်းသည် တရားမဝင် ကိုင် ဆောင်ထားသည့် ပစ္စတိုသေနတ်ဖြင့် မိမိ ကိုယ်ကိုယ်ပစ်ခတ်ရာ ထိခိုက်ဒဏ်ရာရရှိခဲ့ပြီး ဆေးကုသမှုခံယူစဉ် သေဆုံးသွားခဲ့ကြောင်း၊ ဖမ်းဆီးရမိထားသူများအား တရားဥပဒေအ ရ အရေးယူနိုင်ရေးအတွက် နိုဝင်ဘာ ၁၆ ရက် မွန်းလွဲ ၁ နာရီ ၅၀ မိနစ်ခန့်တွင် မြန်မာ-တရုတ် နယ်စပ်ရှိ ရန်လုံကျိုင်းနယ်စပ်ဂိတ်၌ မြန်မာနိုင်ငံရဲတပ်ဖွဲ့မှ တာဝန်ရှိသူများက တရုတ်နိုင်ငံ၊  ယူနန်ပြည်နယ် ရဲတပ်ဖွဲ့သို့ လွှဲ ပြောင်းပေးအပ်ခဲ့ပြီး မြီရှောက်ချန်း၏ အ လောင်းကို တရုတ်နိုင်ငံဘက်သို့ ယူဆောင် သွားခြင်းမရှိဘဲ လိုအပ်သည်များ စစ်ဆေး အတည်ပြုမှုများ ဆောင်ရွက်ခဲ့ကြောင်း နိုင်ငံ တော်စီမံအုပ်ချုပ်ရေးကောင်စီက ထုတ်ပြန်ခဲ့ သည်။

သေနတ်ဖြင့် မိမိကိုယ်ကို အဆုံးစီရင် ခဲ့သည့် မြီရှောက်ချန်းမှာ ရှမ်းပြည်နယ် လွှတ် တော်အမတ်ဟောင်းဖြစ်ပြီး လွတ်မြောက်နေ သူတစ်ဦးမှာ ၎င်းင်း၏ သမီးဖြစ်သူ မြီကျုလန် ဖြစ်သည်။ မြီကျူလန်၏ ယောကျ်ားဖြစ်သူမှာ ရန်လောက်ဟွာဖြစ်ပြီး တရုတ်နိုင်ငံတွင်ပြု လုပ်သည့် ကုန်စည်ပြပွဲသို့ သွားရောက်စဉ် တရုတ်အာဏာပိုင်များက ဖမ်းဆီးခဲ့သည့် ကိုးကန့်လုပ်ငန်းရှင် ၁၁ ဦးအနက် တစ်ဦးအ ပါအဝင်လည်းဖြစ်သည်။

ဇန်နဝါရီ ၃၀ ရက်က တရုတ်အစိုးရထံ သို့ နိုင်ငံတော်စီမံအုပ်ချုပ်ရေးကောင်စီက တရုတ်အစိုးရထံ လွှဲပြောင်းပေးခဲ့သည့် ပယ် စောက်ချိန်အပါအဝင် ခြောက်ဦးမှာ တရုတ် အစိုးရက ဖမ်းဝရမ်းထုတ်ထားသည့် ကျားဖျန့် လုပ်ငန်းကြိုးကိုင်သူ ၁၀ ဦးတွင် ပါဝင်သူများ ဖြစ်သည်။ ပယ်စောက်ချိန်နှင့်အတူ ၁၀ ဦး အား တရုတ်အစိုးရဘက်မှ ပြီးခဲ့သည့် နှစ်ကုန် ပိုင်းတွင် ဖမ်းဝရမ်း ထုတ်ခံထားရသူများဖြစ် သည် ဟု တရုတ်နိုင်ငံဘက်မှလာသောသတင်း များ အရ သိရသည်။

ရှမ်းမြောက်မှာ ကျားဖျန့်လုပ်ငန်းတွေ ချုပ်ငြိမ်းသွားပြီလား

ရှမ်းပြည်နယ်မြောက်ပိုင်း လောက်ကိုင် မြို့တွင် အခြေချသည်ဟုဆိုသည့် ကျားဖျန့် လုပ်ငန်းများကို ကြိုးကိုင်သူများဟု တရုတ်အ စိုးရက သတ်မှတ်ထားသည့် အဆိုပါ ပုဂ္ဂိုလ် များကို နိုင်ငံတော်စီမံအုပ်ချုပ်ရေးကောင်စီ က လွှဲပြောင်းပေးလိုက်ပြီးနောက် ကျားဖျန့် လုပ်ငန်းများ ချုပ်ငြိမ်းသွားမည်ဟု ဆိုရမည် ဖြစ်သည်။

တရုတ်- မြန်မာ အစိုးရနှစ်ရပ် ကျားဖျန့် တိုက်ဖျက်ရေးပူးပေါင်းမှုလုပ်ငန်းစဉ်များအ တွင်း တရုတ်-မြန်မာရဲတပ်ဖွဲ့၏ တရားဥပဒေ စိုးမိုးမှု လုံခြုံရေးဆိုင်ရာ ပူးပေါင်း ဆောင်ရွက် မှုများ အဆက်မပြတ်လုပ်ဆောင်ခဲ့ရာ လက်ရှိ အထိ မြန်မာနိုင်ငံမြောက်ပိုင်း အွန်လိုင်းလိမ် လည်မှု ပြစ်မှုကျူးလွန်ကြောင်း သံသယရှိသူ ပေါင်း ၄၄၀၀၀ ကို တရုတ်နိုင်ငံဘက်သို့ လွှဲ ပြောင်း ပေးအပ်ခဲ့ပြီးဖြစ်သည်။

ယင်းသို့လွှဲပြောင်းပေးအပ်သူများအ နက် နောက်ကွယ်မှ ငွေကြေးထောက်ပံ့သူ၊ အဖွဲ့ခေါင်းဆောင်နှင့် အမာခံများ ၁၇၁ ဦး၊ တရားခံပြေး ၂၉၀၈ ဦး ပါဝင်သည်ဟု မြန်မာ နိုင်ငံဆိုင်ရာ တရုတ်သံရုံးက သတင်းထုတ် ပြန်ခဲ့သည်။

ပြီးခဲ့သည့် ဇန်နဝါရီ ၂၃ ရက်တွင် ရှမ်း ပြည်တောင်ပိုင်း နမ့်စန်မြို့အနီးအနားရှိ နေ ရာများတွင် တရားမဝင် ဝင်ရောက်နေထိုင် လျက်ရှိသည့် တရုတ်နိုင်ငံသား တစ်ထောင် ကျော်ကို ဖမ်းဆီးရမိခဲ့သည်ဟု နိုင်ငံတော်စီမံ အုပ်ချုပ်ရေးကောင်စီက သတင်းထုတ်ပြန်ခဲ့ သည်။

ရှမ်းပြည်နယ်(တောင်ပိုင်း)၊ နမ့်စန်မြို့ ပတ်ဝန်းကျင်တွင် တရားမဝင် တရုတ်နိုင်ငံ သားများ ရောက်ရှိနေကြောင်း သတင်းများ အရ လုံခြုံရေးတပ်ဖွဲ့ဝင်များပါဝင်သော ပူး ပေါင်းအဖွဲ့က ဇန်နဝါရီ ၂၃ ရက်တွင် စစ်ဆေး ရှာဖွေဖမ်းဆီးခြင်းများ ဆောင်ရွက်ခဲ့ရာ နမ့်စန်မြို့ပတ်ဝန်းကျင်ရှိ နေရာ သုံးနေရာမှ တရားမဝင် ဝင်ရောက်နေထိုင်သည့် တရုတ် နိုင်ငံသား အမျိုးသား ၁၀၀၂ ဦး၊ အမျိုးသမီး ၃၆ ဦး၊ စုစုပေါင်း ၁၀၃၈ ဦးကို ထပ်မံဖမ်းဆီး ရမိခဲ့သဖြင့် လိုအပ်သည့် စစ်ဆေးမှုများ ပြု လုပ်လျက်ရှိပြီး ဥပဒေ၊ လုပ်ထုံးလုပ်နည်းများ နှင့်အညီ ဆက်လက်ဆောင်ရွက်လျက်ရှိ ကြောင်း၊ နိုင်ငံတစ်ဝန်း အွန်လိုင်းလိမ်လည် မှုများနှင့် အခြားတရားမဝင်လုပ်ငန်း လုပ် ဆောင်သူများ၊ တရားမဝင် ဝင်ရောက်နေ ထိုင်မှုများ မရှိစေရေးအတွက် သက်ဆိုင်ရာ တရားဥပဒေစိုးမိုးရေးအဖွဲ့များက စိစစ်ဖော် ထုတ် အရေးယူဆောင်ရွက်မှုများ ပြုလုပ် လျက်ရှိကြောင်း၊ အိမ်နီးချင်းနိုင်ငံများနှင့် လည်း စဉ်ဆက်မပြတ် ပူးပေါင်းဆောင်ရွက် လျက်ရှိကြောင်းနိုင်ငံတော်စီမံအုပ်ချုပ်ရေး ကောင်စီက ထုတ်ပြန်ခဲ့သည်။

ကျားဖျန့်လုပ်ငန်းများမှာ တရုတ်နိုင်ငံ သားများအပြင် အခြားနိုင်ငံများမှ နိုင်ငံသား များကိုလည်း ပစ်မှတ်ထားလိမ်လည်သည့် လုပ်ငန်းတစ်ခုလည်းဖြစ်ပြီး ရှမ်းပြည်နယ် မြောက်ပိုင်းတွင် ယင်းလုပ်ငန်း၏ အဓိကကြိုး ကိုင်သူများဟု တရုတ်နိုင်ငံအစိုးရက ယူဆ ထားသူများကို ဖမ်းဆီးရမိပြီး လွှဲပြောင်းပေးခဲ့ သဖြင့် ရှမ်းပြည်နယ်မြောက်ပိုင်းရှိ ကျားဖျန့် လုပ်ငန်းများ ချုပ်ငြိမ်းသွားခဲ့ပြီဟု ဆိုရမည် လည်းဖြစ်သည်။