သုံးလနီးပါးကြာ စစ်ရေးအရှိန်ပြင်းထန်ခဲ့သည့် ၁၀၂၇ စစ်ဆင်ရေးကြီးသည်
တရုတ်၏ ကြားဝင်စေ့စပ်မှုဖြင့် ရှမ်းမြောက်ဒေသတွင် ယာယီအပစ်ရပ်စဲရန်
စစ်ကောင်စီနှင့် ညီနောင်မဟာမိတ် (၃) ဖွဲ့ကြား သဘောတူခဲ့ကြသည်။
အပစ်ရပ်စဲရေးနှင့်ပတ်သက်ပြီး ညီနောင်သုံးဖွဲ့၏ ထုတ်ပြန်ချက်တွင်
“နှစ်ဘက်အဖွဲ့အစည်းများမှ တရုတ်- မြန်မာ နယ်စပ်ဒေသရှိ
တရုတ်နိုင်ငံသားများနှင့် မြန်မာနိုင်ငံအတွင်းရှိ ၎င်းတို့၏
ရင်းနှီးမြှုပ်နှံမှုများ လုံခြုံရေးကို မထိခိုက်ရန်နှင့် မဖျက်ဆီးကြစေရန်
သဘောတူ” ကြောင်း တွေ့ရသည်။
စစ်ရေးအရအထိနာနေသည့် စစ်ကောင်စီသည် ညီနောင်သုံးဖွဲ့နှင့်ဆွေးနွေးရန် တရုတ်ကြားဝင်မှုဖြင့် ဒီဇင်ဘာနှင့် ဇန်နဝါရီလတို့တွင် သုံးကြိမ်တိုင်တွေ့ဆုံပြီးနောက် ယင်းရလဒ် ထွက်ပေါ်လာခြင်းဖြစ်သည်။
ညီနောင်သုံးဖွဲ့သည် တရုတ်နယ်စပ်တွင် စစ်ရေးလှုပ်ရှားနေသဖြင့် တရုတ်နှင့် အလိုက်သင့်ဆက်ဆံနေသော်လည်း တရုတ်အကျိုးစီးပွား မထိခိုက်စေရေးမှာ ရေရှည်အာမခံချက် မရှိကြောင်း နိုင်ငံရေးသုံးသပ်သူများက ရှုမြင်သည်။
၈၈ မျိုးဆက် ရခိုင်ကျောင်းသားတစ်ဦးက “ညီနောင်သုံးဖွဲ့က တရုတ်နယ်စပ်ကို အသုံးပြုနေရတဲ့ အခွင်အရေးတွေ ဆုံးရှုံးသွားမှာစိုးလို့ ဆွေးနွေးပွဲကို လိုက်လျောပေးတဲ့သဘောပါပဲ။ တရုတ်ရဲ့အကျိုးစီးပွား မထိခိုက်ဖို့ဆိုတာက ရေရှည်အတွက် မလွယ်ဘူးထင်တယ်။ ဘာကြောင့်လဲဆိုတော့ ရခိုင်မှာ တိုက်ပွဲတွေ မရပ်သေးဘူးလေ” ဟု ပြောသည်။
စစ်ကောင်စီနှင့် ညီနောင်သုံးဖွဲ့ကြား ယာယီအပစ်ရပ်စဲရန် သဘောတူညီချက် အသက်ဝင်စဖြစ်သည့် ဇန်နဝါရီ ၁၂ ရက်တွင် ရှမ်းမြောက်ဒေသရှိ အရပ်သားရပ်ရွာများကို စစ်ကောင်စီက လေကြောင်း၊ လက်နက်ကြီးများဖြင့် ပစ်ခတ်တိုက်ခိုက်ခဲ့သည်။
ယင်းအပြင် ယနေ့ ဇန်နဝါရီ ၁၃ ရက်၊ နံနက် ၉ နာရီခန့်တွင် တအာင်းပြည်နယ်၊ တပ်မဟာ(၂)စစ်ဒေသ ကျောက်မဲမြို့နယ်တွင်လည်း တအာင်းတပ်မတော် PSLF/TNLA တည်ရှိရာ ငြိမ်းချမ်းရေးကုန်းကို စစ်ကောင်စီက အင်အားအလုံးအရင်းဖြင့် လာရောက်တိုက်ခိုက်ခဲ့ပြီး ၂ နာရီကြာ ထိတွေ့တိုက်ပွဲ ဖြစ်ပွားခဲ့သည်။ ယင်းနောက်တွင် TNLA အနေဖြင့် အရပ်သားများ ထိခိုက်မည်ကိုစိုးရိမ်၍ ယာယီနောက်ဆုတ်ပေးလိုက်ကြောင်း ညီနောင်သုံးဖွဲ့က ထုတ်ပြန်ထားသည်။
ယခုလုပ်ရပ်သည် ဇန်နဝါရီ ၁၁ ရက်တွင် ပူပူနွေးနွေးထိုးထားခဲ့သော အပစ်ရပ်စဲရေးလက်မှတ်ကို စစ်ကောင်စီက ပေါ်ပေါ်ထင်ထင် ချိုးဖောက်လိုက်ခင်းဖြစ်ပြီး၊ အပစ်ရဲစဲရေးလက်မှတ်ကို ဒုတိယအကြိမ် ချိုးဖောက်လိုက်ခြင်းဟု ညီနောင်သုံးဖွဲ့က ထုတ်ပြန်ထားသည်။
ယမန်နေ့က ရှမ်းမြောက်ဒေသအတွင်းရှိ စစ်ဆင်ရေးနယ်မြေများတွင် စစ်ကောင်စီနှင့် ညီနောင်သုံးဖွဲ့ကြား မည်သည့်တိုက်ပွဲမျှ ဖြစ်ပွားမှုမရှိခဲ့သော်လည်း စစ်ကောင်စီသည် အရပ်သားများနှင့် ရပ်ရွာများကို ရည်ရွယ်ချက်ရှိရှိ ပစ်ခတ်မှုများ ပြုလုပ်ခဲ့သည်။
တစ်ဖက်တွင်လည်း တရုတ်နိုင်ငံသည် မြန်မာနိုင်ငံအတွင်း အကြီးစား ရင်းနှီးမြုပ်နှံမှုအဖြစ် ရွှေသဘာဝဓာတ်ငွေ့ စီမံကိန်းကို ဆောင်ရွက်လျက်ရှိပြီး တရုတ် – မြန်မာ စီပွားရေးစင်္ကြန် (BRI) စီမံကိန်းနှင့် ကျောက်ဖြူအထူးစီးပွားရေးဇုန် တို့ကိုလည်း အကောင်ထည်ဖော် ကြိုးစားနေသည်။
ရွှေသဘာဝဓာတ်ငွေ့စီမံကိန်းမှာ ရခိုင်ပြည်၊ ကျောက်ဖြူမြို့နယ်မှတစ်ဆင့် ပိုက်လိုင်းသွယ်တန်း၍ မကွေးတိုင်း၊ မန္တလေးတိုင်းနှင့် ရှမ်းပြည်နယ် (မြောက်ပိုင်း) ကိုဖြတ်၍ တရုတ်နိုင်ငံ၊ ကူမင်းမြို့သို့ ရေနံနှင့် သဘာဝဓာတ်ငွေ့များ တင်ပို့နေခြင်းဖြစ်သည်။
စီးပွားရေးစင်္ကြံ(BRI)စီမံကိန်းမှာ ကူမင်းမြို့မှတစ်ဆင့် ရှမ်းပြည်နယ်(မြောက်ပိုင်း) မူဆယ်မြို့ကိုဖြတ်၍ မန္တလေးနှင့် ကျောက်ဖြူမြို့သို့ ရထားလမ်းဖောက်လုပ်ရန် သတ်မှတ်ထားခြင်းဖြစ်သည်။ ကျောက်ဖြူအထူးစီးပွားရေးဇုန်မှာ စီးပွားရေးစင်္ကြန် (BRI) စီမံကိန်းနှင့် ချိတ်ဆက်ထားခြင်းဖြစ်ပြီး ကျောက်ဖြူမြို့နယ်နှင့် ရမ်းဗြဲမြို့နယ်တို့တွင် သတ်မှတ်ထားသည်။
သို့သော်လည်း တရုတ်စီမံကိန်းကြီးတည်ရှိရာ ကျောက်ဖြူမြို့နယ်တွင် စစ်ကောင်စီနှင့် ရက္ခိုင့်တပ်တော်(AA)တို့ ပြီးခဲ့သည့် ရက်ပိုင်းက တိုက်ပွဲဖြစ်ပွားခဲ့ပြီး လက်ရှိတွင်လည်း စစ်ရေးတင်းမာလျက် ရှိသည်။
“တရုတ်အနေနဲ့ စစ်ကောင်စီဟာ ကောင်းသည်ဖြစ်စေ၊ ဆိုးသည်ဖြစ်စေ ပေါ်လစီအရ ဆက်ဆံရတာမျိုးတော့ ရှိတယ်။ ဒါပေမဲ့ တရုတ်အနေနဲ့ စစ်ကောင်စီအတွက် အာဏာသက်ဆိုးရှည်အောင် ကူညီထောက်ပံ့နေတာမျိုး မဟုတ်ဘဲ ပြည်သူတွေဘက်က ရပ်တည်ဖို့လိုတယ်” ကျောက်ဖြူဒေသခံ နိုင်ငံရေးသမားတစ်ဦးက ပြောသည်။
လက်ရှိတွင် စီးပွားရေးစင်္ကြန် (BRI) စီမံကိန်းအတွက် ကူမင်းမြို့မှ မူဆယ်နယ်စပ်နားအထိ ရထားလမ်း ဖောက်လုပ် ပြီးစီးထားသော်လည်း ရှမ်းမြောက်တိုက်ပွဲများနှင့်အတူ ကျောက်ဖြူအထူးစီးပွားရေဇုန်မှာလည်း ရခိုင်ဒေသတိုက်ပွဲများကြောင့် အကောင်အထည်ဖေ